டிரம்ப் மகன் தலைக்கு ரூ 95 கோடி.. ஈரான் அதிரடி
அமெரிக்கா அதிபர் டிரம்ப் மகன் பாரன் டிரம்ப்பைக் கொள்பவருக்கு ரூ 95 கோடி பரிசு அறிவித்துள்ளது ஈரான்.
வாஷிங்டன்: அமெரிக்க அதிபர் ட்ரம்பின் 20 வயது மகன் பாரன் ட்ரம்பை எங்கு, எப்படிக் கொல்வது என்பது குறித்த விவரங்களுடன் கூடிய ‘வேர் டு கில் பாரன்’ என்ற தலைப்பிலான வீடியோவை ஈரானிய அரசு ஊடகம் வெளியிட்டுள்ளது.
மேலும், அவரது தலைக்கு 10 மில்லியன் டாலர் (ரூ.95 கோடி) பரிசையும் அறிவித்துள்ளதால் பரபரப்பு ஏற்பட்டுள்ளது. ஈரானிய தொலைக்காட்சியின் சேனல் 3-ல் ஒளிபரப்பான வீடியோவில், பாரனின் அன்றாட நடமாட்டங்கள் காண்பிக்கப்பட்டுள்ளன. அவர் தீவிரமாகக் கண்காணிக்கப்பட்டு வருவதாகக் கூறியுள்ள அந்த வீடியோ, அமெரிக்க ரகசியப் பாதுகாப்புப் படையையும் மீறி ஒரு பெண் பாரனைச் சந்தித்ததாகவும் தெரிவித்துள்ளது.
அமெரிக்கா – ஈரான் இடையே கடந்த பிப்ரவரி மாதம் தொடங்கிய போர் இன்னும் ஓயவில்லை. நடுவில் பேச்சுவார்த்தைகள் நடந்தாலும் சமாதானம் ஏற்படவில்லை. இரு நாடுகளும் பெரும் அழிவை ஏற்படுத்தப் போவதாக அறிவித்துள்ள நிலையில், இந்த புதிய பரபரப்பு கிளம்பியுள்ளது.